Mesfushori i Bajernit të Mynihut, Bastian Schweinsteiger i dërgon një paralajmërim të mprehtë Arsenalit para duelit të dy klubeve në 1/8 e Champions League.
Asnjë skuadër nuk ja ka dalë më parë të mbrojë trofeun me formatin aktual të kompeticionit, dhe Schweinsteiger beson se Bajerni mund të bëhet ekipi i parë që arrin dicka të tillë, natyrisht duke eliminuar fillimisht topçinjtë nga Championsi.
Asnjë skuadër nuk ja ka dalë më parë të mbrojë trofeun me formatin aktual të kompeticionit, dhe Schweinsteiger beson se Bajerni mund të bëhet ekipi i parë që arrin dicka të tillë, natyrisht duke eliminuar fillimisht topçinjtë nga Championsi.
“ Unë dua të arrij atë që nuk e ka bërë asnjë skuadër tjetër. Unë dua të mbroj titullin e fituar në Champions League. Patëm një vit të pabesueshëm në 2013-ën. Gjithsesi gjëja e bukur e futbollit është se ka gjithmonë aspekte të lojës tonë ku ne mund të përmirësohemi”.
29 vjecari foli më pas edhe për gjendjen e tij fizike ndërsa vijon rikuperimin nga dëmtimi në gju, duke nënvizuar se shpejt do të rikthehet të japë kontributin e tij për skuadrën e Guardiolës.
“Jam besimplote se nuk do të më duhet të pres shumë gjatë për tu rikthyer me detyrë të plotë. Jam i lumtur me gjendjen e tanishme dhe po ashtu besoj se do të bëhem akoma më mirë. Une e di se cfarë cilësish kam kur jam plotësisht i rikuperuar. Kjo më jep siguri dhe më mban të qetë gjatë kësaj periudhë”./TS/
