Karl Hainz Rummenige vlerësoi impaktin që Mario Gotze ka patur te Bayern Munich duke pretenduar se futbollisti ka bërë një hap cilësor të Bayerni në krahasim me rivalët e Borussias së Dortmundit. 21-vjeçari është shfaqur në një formë impressive në ndeshjet e fundit pasi fillimisht vuajti për të gjetur formën e tij më të mirë fizike pas transferimit të tij te Bayerni verën e kaluar për 37 milionë Euro, dhe madje shënoi edhe në fitoren 3-0 të bavarezëve kundër ish skuadrës së tij. Rummenige beson se tanimë Gotze ka fituar një vend fiks në 11-shen e Pep Guardiolas.
“ Gotze ka luajtuar aq mirë sa tani ai përfundimisht e meriton t’i fillojë më rregullisht ndeshjet si titullar. Ai ishte i shkëlqyer kundër Dortmundit, dhe unë e ndiej se ai ka bërë hapin cilësor te Bayerni i Mynihut. Ai i ka ka dhënë diçka ekstra skuadrës”.
Rummenige nuk harroi të nëvizojë edhe kontributin e Manuel Neuer duke bërë të ditur se pret që Bastian Schweinsteiger të jetë në formën e tij më të mirë për Gjermaninë për Kupën e Botës pasi të kthehet nga dëmtimi.
“ Të gjithë në klub e duam Manuel Neyer. Ai është një portier me cilësi të pabesueshme. Ai ia del që asnjëherë të mos më bëjë nervoz. Schweinsteiger do të rikthehet për pjesën e dytë të sezonit dhe shpresojmë që ai të na inspirojë për më shumë lavdi dhe titutj. Ai do të jetë në gjendjen e tij më të mirë të mundshme kur të fillojë Kupa e Botës”. /TS/
