Superylli argjentinas, Lionel Messi, ka komplimentuar rivalin e tij, Cristiano Ronaldon, duke thënë se ai është lojtar Superior.
Messi dhe Ronaldo kanë rënë në qendër të vëmendjes së fundmi në debatin për Topin e Artë, që për shumë njerëz e meriton Ronaldo, e mendimin e tyre tërthorazi e konfirmon edhe Messi, që vlerëson rivalin e tij.
“Cristiano Ronaldo ka qenë gjithmonë lojtar i madh. Edhe nëse ka rënie nga forma, apo nëse është në top formë, dallimi është i vogël”.
“Ai gjithmonë shënon atëherë kur ekipi dhe kombëtarja kanë më së shumti nevojë”, u shpreh Messi për Marca.
Ai vlerësoi shumë edhe Mesut Ozilin, i cili për të është lojtari më i mirë gjerman.
